jeudi 9 octobre 2014

طريقة الاستفادة من الخبز اليابس --- احدث و احسن طريقة

المقادير 
*خبز يابس مرحي
*4 بيضات
*كاس ونص حليب
*فنجال زيت
*حبة بصل مفرومة ناعم باش كي طيب ما تبقاش البصل باين
*4 سنينات ثوم
*الملح شوييية برك لانو الخبز مالح ما تكثريش 
*شوية سكر مغرف صغيرة 
*وحدة خميرة الحلوى
*فلفل اكحل
*دبشة
*وكا تحبي تضيفي التوابل على حساب واش عندك انا هذا واش حطيت

الطريقة بسيطة خلاااااااااااااااااااااص 
تخلطي كلش *المكونات*معى بعض مليح والخليط يكون كما خليط التورتة مش ثقيل ياسر ومش جاري وعينك مزانك 
ادهني البلاط بالزيت ولا الزبدة حنا قلنا تورتة اقتصادية يعني نخدموها بالشي الي عندنا وتصلح لايام التشومير هههههه انا كي ما يكون عندي والو نديرها الخبز كاين والمكونات كاينين وزيد تخرجلنا حاجة بنينة صبي الخليط في البلاط تاعك ما تنسايش تسخني الفور ولا الكوشة من قبل ب 10 دقايق وحطيها طيب مدة من 20 الى 30 دقيقة ما تفتحيش عليها واحد ال ربع ساعة واذا حابة تشوفيها عادي كما موالفين نشوفو الكيك ارشقي موس اذا خرج نضيف يعني طابت و حمريها من فوق واحد ال 10 دقايق وبالصحة والهنا 
وانا نوعدك بلي ياكلوها قبل ما تبرد ههههه




0 commentaires:

Enregistrer un commentaire

Related Posts Plugin for WordPress, Blogger...